Dix-huit migrants en pleine dérive en Méditerranée secourus par un navire de la Corsica Linea
Photo Corsica Linea
(A ridazzioni d'Alta Frequenza) - Una navi lla Corsica Linea hà succorsu diciottu migranti, ch’erani à ribaldonu è malavia pà issu Maritarraniu. L’affari hè successu in a notti da duminica à luni.
Pasquine Albertini, a porta parolla lla cumpagnia, hà spiicatu à l’AFP chì issu salvamentu si hè fattu arrimbendu si à « u principiu di sulidarità trà ghjenti llu mari ».
Issi migranti, chì si vuliani avvià versu l’Auropa, erani par mari da parichji ghjorna. A navi ind’idd’erani, fatta par deci parsoni, era in panna d’essenza à mezu mari. Dopu ch’iddi sichini stati accolti à bordu, i migranti sò stati visti da i medichi.
I diciottu migranti – minori in maior’parti – sò stati sbarcati in Maiorca. In quantu à a navi, hà ripresu a so strada cù i so 2000 parsoni à bordu.
Duvaria ghjunghja in Marseglia dumani. Hè a prima volta chì a cumpagnia hè impignata in un’azzioni cumpagna, in u Maritarraniu.
