Divagation d'animaux : Lucien Costa condamné à des amendes
(A redazzioni d’Alta Frequenza) - U tribunali currizzunali di Bastia hà resu arimani (marti) a so dicisioni ind’u quadru di u cartulari di sbandonu d’animali chì vidia passà u merri di Pupulasca, Lucien Costa. Allivadori ind’u micro rughjoni, hè rimpruvaratu à iss’ultimu u pussibuli sbandonu di u so bistiami nant’à a strada naziunali in Ponte Leccia. A ghjustizia hà cundannatu à Lucien Costa à virsà 100 auri duranti 12 ghjorni pà sbandonu è 175 pà difettu di sarrenda. Quissu quì hè statu dinò cundannatu à virsà 30 auri duranti 90 ghjorni d’appiattu di stampliglia è « missa in periculu di a vita d’ognunu ». Malgradu tuttu, i ghjudici ùn ani micca suvitatu u ministeru publicu chì avia chersu a prighjò di modu attimpatu.
