Disquaire Day : journée spéciale pour métier en péril
(A redazzioni d'Alta Frequenza) - C'hè ssu sabbatu u "Disquaire Day", una ghjurnata pà metta in valori un mistieru in periculu. In fatti, a numerisazioni di a musica faci chì di menu in menu dischetti è vinili sò vinduti. Di fatti, hè difficiuli di risista pà l'ultimi prufiziunali chì fermani. Trè vindaroli di dischetti sò sempri prisenti in Corsica oghji : Vibrations in Aiacciu, Musica Vostra in Corti è Chorus in Bastia. È ss'ultimu, u più anzianu magazenu torna in attività nant'à l'isula, pudaria spariscia da quì à pocu, postu chì dopu à guasgi quaranta anni di sirvizi, u guardianu di ssu locu maestru di a musica, Jean Michel Radet, hà dicisu di venda u so cummerciu, senza avè una spiranza maiò di truvà à calchissia chì pudissi ripighjà a seguita di l'affari.
Steti à Jean Michel Radet, vindaroli di dischetti è pruprietariu di Chorus in Bastia.
