Disparition inquiétante d'un homme malade à Bravone
Hè da arisera ch’idda s’inchieta a famidda di Paul Cristelli, un abitanti di Bravone. Isciutu par manghjà si una pizza, cù a so Fiat Panda russa, di placca 6066 HD 2B, ùn hà fattu mottu micca dipoi duminica à sera.
L’omu, ch’hè ghjà anzianettu, hè malatu bè è suttu à ussigeniu. Dici a so famidda chì, ad avali, a so butteglia d’ussigeniu pudaria ancu essa viota. Hè da nutà dinò chì issa parsona si dispiazza in un futtogliu, è cù difficultà.
À senta a famidda, u so tilifuninu si saria signalatu trà Bravone è Aleria versu mezanotti. Par casu ch’iddu ci sichi calchì rinsignamentu o signalamentu à fà passà, a famidda dumanda di chjamà in ciandarmaria di i Fulelli, à u 0495369017.
