Discours de Jean-Guy Talamoni en langue corse : Pierre-Jean Luciani tourne le dos à l'Assemblée de Corse
(A redazzioni d'Alta Frequenza) - Hè una scena ch'è no pudemi qualificà senza paura d'assurda chì hè accaduta ssu marcuri da mani à l'Assemblea di Corsica. Mentri chì u cunsighjeru tarrituriali Femu a Corsica Romain Colonna punia una dumanda à bocca nant'à a pulitica culturali è a legi NOTRe in lingua corsa, l'elettu La Corse dans la République Pierre Jean Luciani l'hà tagliatu a parolla, rimpruvarenduli di parlà corsu. Ci sarà vulsutu ch'ellu intarvinissi u presidenti di l'Assemblea di Corsica pà falla finita cù ssu spittaculu mancu appena famosu pà a pulitica isulana. L'anzianu presidenti di u Cunsighju Dipartimintali di Corsica Suttana hà cuntinuatu cusì, ghjirendu u spinu à Ghjuvan Guidu Talamoni duranti u so discorsu tradiziunali d'intruduzzioni in lingua corsa. Un evenimentu novu chì hà inghjinnatu una spiegazioni forti di u presidenti di l'Assemblea di Corsica, parlendu di "mancanza di rispettu" è di "carnavalisazioni di a vita publica".
Steti à senta à Ghjuvan Guidu Talamoni è Pierre Jean Luciani.
