Développement du très haut débit en Corse : le rural se sent délaissé
(A redazzioni d'Alta Frequenza) - U schema direttori tarrituriali d'accunciamentu numericu di Corsica hè statu aduttatu da l'Assemblea di Corsica dui anni fà. A sittimana scorsa, un raportu pà rinfurzà a reta numerica di a Corsica, cumprendu fibri ottichi annant'à i ligni à tinsioni alta d'EDF, era in discussioni in ssa listessa assemblea. A brama di l'Assemblea di Corsica in fatti hè d'assicurà una cullata di vitezza efficaci annant'à tuttu u tarritoriu. Ci voli à rinfurzà a reta dunqua grazia à fibri ottichi, cuprendu u tarritoriu sanu. Aldilà di ssa scelta pulitica, si pensa di sicuru à a spartera ghjusta annant'à u tarritoriu di i pristazioni pruposti à l'usadori. S'è in Aiacciu, Bastia è altri lochi urbani maiò, u prublema di a vitezza internet altissima si poni di menu in menu, ùn hè micca u casu inde u rurali chì si senti, torna è sempri, tralasciatu da u prugressu. Hè u parè d'Antoine Giorgi, u merri di Sarra di Farru, è vici presidenti di a cumunità di cumuni di u Taravu.
U stemi à senta.
Sur le même sujet
