Développement accru de la lutte contre la cyberdélinquance
(A redazzioni d'Alta Frequenza) - I tradiziunali ghjurnati di a securità interna si sò tinuti stamani (marti) nant'à a Piazza di u Diamanti in Aiacciu. Urganizati pà u grandi publicu, issi ghjurnati t'ani pà scopu di fà cunnoscia meghju tutti l'attori di a securità, è quissi quì ghjunghjini da settori numarosi. Pulizza, gendarmeria, spinghjifochi ma dinò parsunali di a securità civili si sò aduniti pà prisintà à u publicu l'attività d'ogni settori d'intarvinzioni. Una manifestazioni particularmenti distinata à un publicu ghjovanu quist'annu grazia à un partenariatu trà i servizii di u Statu è di l'Educazioni Naziunali. Attività spuntata pocu fà ind'a pulizza ma chì si sviluppa à lestra pà suvità u boom d'internet, a caccia à a delinquenza nant'à a tela. Oghji, l'affari rileva di un serviziu didicatu spicialmenti, com'è a ci dici Jean-Pierre Moulinier, capitanu di pulizza ind'a direzzioni dipartimintali di a securità publica di Corsica Suttana.
On l'écoute.
