Deux tirs de roquette contre des bâtiments de gendarmerie à Ajaccio et Bastia
(A redazzioni d'Alta Frequenza) - Ci sò stati dui tiri di rucchetta guasgi à listessu tempu in Corsica Suprana è in Corsica Suttana contr'à lucali di gendarmeria arisera (ghjovi). Ani toccu a caserna Battesti in Aiacciu è u gruppu di Montesoru. D'appressu à i primi elementi racolti ind'è l'ufficiali di cumunicazioni suttanacciu, u tiru saria statu lanciatu da l'altezzi di l'edifiziu è avaria inghjinnatu disguasti nant'à una vittura cansata ind'a corti. Nimu hè statu feritu. Listessu affari in Corsica Suprana, ma sò lucali chì sò stati tocchi quì. Nimu hè statu feritu. Subbitu, perimetri di securità sò stati missi in ballu ind'i dui zoni. I prifetti di Corsica Suttana è Suprana sò stati in furia sopralocu cù i prucuratori di a Republica. A sizzioni contr'à u terrurisimu di u tribunali di grandi istanza di Parighji hè incaricatu di l'affari, mentri chì l'inchiesta hè stata cunfidata à a DRPJ.
