Deux nouveaux incendies dans la Gravona
(A redazzioni d'Alta Frequenza) - Dui fochi novi sò partuti in mità di dopu meziornu ssu ghjovi ind'a Gravona, in bor'di a strada naziunali, in u settori di u ponti d'Auccià. U prima, nant'à a cumuna di Veru, hà distruttu un ettari è mezu di machja ed hè oramai fissatu. U sicondu, in Auccià, hà magnatu 3 ettari di pini maiò ed hè sempri in evuluzioni, ancu s'ella hè favurevuli quantunqua. Nant'à ssi dui sinistri, 70 spinghjifochi sò mubilizati, aiutati da furestieri è militari, eppo dinò dui Canadair è un elicotteru chì lampa acqua.
