Deux nouveaux attentats cette nuit en Corse
(A redazzioni d'Alta Frequenza) - Novi attentati stanotti (vennari à sabbatu) in Corsica Suttana, nant'à a cumuna di Ghjunchettu. Dui residenzi sicundarii, vicini di una cintunaia di metri è appartinendu à cuntinintali sò stati tocchi, versu un'ora è mezu. D'appressu à i servizii di a Prifettura di Corsica Suttana, i disguasti sò d'impurtanza mezana, è si saria rilevata nant'à a porta di i dui casi, a rivindicazioni "FLNC". Eppo in Corsica Suprana, da u cantu di Lucciana, dui residenzi sicundarii in custruzzioni sò stati scuparti eri in principiu di sirata. Attentatu chì hè dunqua accadutu stavolta, ind'a nuttata di prima. Quì dinò, i disguasti sò d'impurtanza mezana, ma nisun rivindicazioni hè stata rilevata sopralocu. Oramai, sò dunqua 16 attentati, ch'ella hà cunnisciutu a Corsica dipoi a nuttata di ghjovi à vennari.
Sur le même sujet
