Deux millions de passagers en 2016, un record pour les aéroports de Corse-du-Sud
Aéoroport de Bastia-Poretta (photo Wikipedia)
(A redazzioni d'Alta Frequenza) - I dui millioni di passaghjeri sò stati trapassati u 31 di dicembri scorsu pà a Corsica Suttana in i so aeruporti d'Aiacciu è di Figari. L'infurmazioni hè stata cumunicata ssu ghjovi da a Camara di Cummerciu è d'Industria 2A. I dui aeruporti rializeghjani aduniti una crescita annuali di 5,8% di pettu à l'annata 2015 chì avia accoltu 1 948 000 passaghjeri, vali à dì 113 776 passaghjeri in più. L'aeruportu d'Aiacciu, 1a aeruportu di Corsica, hà ricivutu 1 422 259 passaghjeri duranti l'annu 2016, vali à dì una crescita di 4,4%. In u meziornu stremu, l'aeruportu di Figari tocca pà contu soiu i 9,2% di crescita cù 640 000 passaghjeri traspurtati. L'aeruporti di Corsica Suttana ghjunghjini in testa pà u trafficu aereu di l'isula cù 56,4% di parti di marcatu. Aiacciu t'hà 40,5% è Figari 18,2%, in crescita tramindui di pettu à u 2015.
Sur le même sujet
