Deux incendies rapidement éteints ce jeudi à Afa et Sartène
Ghjovi, sò scappati dui foca.
U primu, in fin’di matinata, hè cursu in Afà, ind’iddi sò stati mubilizati mezi in tarra è in aria da pruteghja l’alloghja trà i loca cusì ditti « Chemins des Vignes » è Paci Maria.
Dopu intarvinuti l’elicottaru bumbardieri d’acqua è dui Canadair, hè statu tinutu po’ spintu u focu, chì hà picciatu dui ettari di machja.
À tempu à quissu, in meza ghjurnata, hè statu signalatu un focu in Sartè, in i circonda di a Bucca Albitrina.
Sò intarvinuti i spinghjifoca di u Rizzanesi, aiutati da mezi aerei.
Fatta fini, a l’ani fatta à spinghja u incendiu, malgradu u ventu.
Sur le même sujet
