Deux attentats cette nuit en Corse
(A redazzioni d'Alta Frequenza) - Dui attentati sò accaduti stanotti (luni à marti) in Corsica Suttana. Nant'à a cumuna di Cuttuli, appena dopu à 5 ori, una carica splusiva, di una natura ancu difinita, hà distruttu u veiculu di un dirighjenti di un'intrapresa di custruzzioni. À lestra, un perimetru di securità hè statu missu in ballu. I sminadori rializeghjani sempri i primi custatazioni. L'inchiesta hè stata cunfidata à a gendarmeria. Eppo appena nanzi, versu 1 ora è mezu, in Aiacciu, una carica splusiva hè stata posta davanti à un bar, carrughju Nicolas Peraldi, quartieri Binda. I disguasti sò assai impurtanti drentu à u stabilimentu. Fora, trè vitturi vicini sò stati appena tocchi. Hè a Pulizza Ghjudiziaria d'Aiacciu chì hè incaricata di l'inchiesta.
Sur le même sujet
