Deux affaires concernant deux matchs du SCB jugées devant le tribunal correctionnel de Bastia
(A redazzioni d'Alta Frequenza) - Dui audienzi arimani (luni) davanti u tribunali currizziunali di Bastia, liati pà i dui à u mondu di u ballò è di u SC Bastia. U prima prucessu cuncirnava u tarrenu invaditu è i viulenzi supposti duranti u scontru Bastia-Liò. Ondeci parsoni passavani pà u tarrenu invaditu senza viulenza, mentri chì pà quattru altri ssi fatti di viulenzi si sò aghjustati, infini u direttori di i sirvizi di u club era ghjudicatu pà fatti chì l’ani uppostu à u guardianu di Liò. Parechji cartulari in unu dunqua pà un’audienza chì hà da cuntinuà ssu marti. Altra partita è altri fatti, cù quilli mentri u scontru Bastia-Nizza, è i mughji di scimia contr’à Mario Balotelli, u ghjucadori di l’OGC Nizza u 20 di ghjinnaghju scorsu. Un omu solu hè accusatu. U prucuratori hà dumandatu trè mesi di prighjoni attimpati, 800 auri d’amenda è quattru anni d’interdizzioni di stadiu. I dibattiti ani da cuntinuà ssu marti quì dinò.
Sur le même sujet
