Deux actions sociales d'associations de Haute-Corse financées par le plan France Relance
U pianu france Relance ùn hè solu pà i impresi. Pò ancu permetta di finanzà l’azzioni d’associ à liveddu suciali. In Corsica, ottu azzioni sarani finanzati in dui tappi, pà un costu di 435 000€.
Dui di quissi sò stati prisintati in Cismonti. A prima, hè a criazioni d’una lavandaria sulidaria à nantu à dui posti, in Bastia, è chì sarà gistita da l’associ A Fratellanza, Alpha è Partage, cù una suvvinzioni di più di 50 000€.
A siconda , hè a criazioni d’un’unità di riciculu da l’associu OPRA, in i quartieri suttani di Bastia, cù una suvvinzioni di 90 000€.
Steti à senta à Didier Medori, u cumissariu righjunali pà a lutta contru à a puvartà.
È si lenta un ochji à u prughjettu di lavandaria sulidaria, chì duvaria permetta à quiddi chì casa ùn n’ani di lavà i so panni, cù un prezzu adattu à a situazioni suciali d’ugnunu.
Hè forsa una manera d’inizià a riinsirzioni di parsoni marginalizati, via u dialugu è u scambiu cù altri aienti.
Ci sarani ancu scatuli sicurizati da ch’iddi poschini lacà ci un tempu, issi parsoni, i so affari
Steti à senta à Philippe Marcelli à nomu di A Fratellanza.
