Détection d'une pollution par hydrocarbure léger au large de Bastia
(A redazzioni d'Alta Frequenza) - Un avviò Falcon 50 di a marina naziunali hà scupartu ssu marcuri una pulluzioni à l'idrocarburi lighjera stesa annant'à una parti di 7,5 chilometri à pocu pressu à livanti di Bastia, inde l'acqui tarrituriali francesi. Quand'ellu hè statu fattu ssu custatatu, ùn c'era nisun battellu vicinu. U Prifettu marittimu di u Mediterraniu hà fattu svià subbitu u "JASON", bastimentu spicializatu ind'a lotta contr'à a pulluzioni, ver di i lochi tocchi. U battellu di a Dugana "DF 25" hè partutu dinò pà Bastia pà ritruvà ssa pulluzioni è principià u trattamentu meccanicu di quissa quì. À trè ori è mezu, l'usservazioni fatti sopralocu ani cunfirmatu a prisenza d'idrocarburi lighjeri sottu a forma di tracci d'irisazioni in dispersioni. A Prifittura marittima di u Mediterraniu manteni malgradu tuttu sopralocu u so dispusitivu di lotta contr'à a pulluzioni custituitu soprattuttu da u "JASON".
Sur le même sujet
