Le Direct

Destination Eurovision : interview de Battista Acquaviva

(A ridazzioni d'Alta Frequenza) - A balanina Battista Acquaviva sarà una di i diciottu artisti in cumpitizioni mentri l’emissioni « Destination Eurovision », urganizata da annu da France 2, è chì devi scedda u candidatu lla francia à l’Eurovision. Passà i mezi finali u 12 o u 19 di ghjinnaghju, ghjunghja in finali u 26, eccu ciò ch’idda duvarà fà Battista Acquaviva, tinindu à menti chì à ugni meza finali, ùn sò chè quattru artisti supr’à novi à pudè si qualificà. I noti sò fatti, par 50 %, cù i voti lli telespittatori, è par 50 %, cù i scelti lla ghjuria. A canzona di Battista Acquaviva, Passiò, a pudeti senta chì sò parichji ghjorna, unicamenti à nantu à Alta Frequenza. Una canzona uriginali è bè, di pettu à tanti altri. Battista Acquaviva dà fiatu cusì à una brama ch’idda sparti dapoi parichji anni cù a so squadra parigina. A balanina, chì t’hà una simpatia par Conchita Wurst, u candidatu travistitu ch’avia vintu pà l’Austria in u 2014, vurria purtà un missaghju d’apartura è d’accolta cù a so canzona

Battista Acquaviva