Desserte maritime : débat sous forte houle, et adoption d'une DSP pour 7 ans
Marti dopu meziornu, l’Assemblea di Corsica hà vutatu a DSP llu trasportu marittimu pà u periudu 2023-2029.
Ùn hè stata chè a maiurità tarrituriali à vutà la, issa DSP : l’uppusizioni ùn hè stata cunvinta mancu stampa !
Avanzemu è Cori in Fronti ani criticatu a crescita lli costi è supr’à tuttu l’attimpata – chì par iddi vali abandonu – di a cumpagnia righjunali.
Ben’intesa, l’uppusizioni naziunalista hà vutatu contru à issa DSP.
Steti à senta à Jean-Christophe Angelini.
Paul-Félix Benedetti si hè ancu iddu uppostu di manera ferma à issu ducumentu.
U prisidenti di u gruppu Cori in Fronti avia ancu dumandatu una intarruzzioni lla sissioni, da pudè cunsultà certi elementi chì l’eletti ùn ponu avè chè dumandendu li.
Steti lu à senta.
L’eletti d’uppusizioni di dritta si sò astinuti di vutà.
Steti à senta i spiicazioni di Jean-Martin Mondoloni.
Issa DSP di setti anni duvaria custà 106,7 miliona. Quidda chì curri sempri oghji hè custata 93 miliona.
Pà Gilles Simeoni, issa crescita hè cunsiquenza di a inflazioni è di a crescita llu prezzu lli carburanti.
« Avemu fattu a dimustrazioni di a nicissità di un sirviziu publicu marittimu pà i cinqui porti di Corsica, è avemu sicurizatu issu cartulari à pettu à l’Unioni Aurupeana », hà dittu Gilles Simeoni, chì no’ stemu à senta.