Des projets sur le long terme dans le domaine scolaire à Bastia
Ghjovi, com’è in ugni locu in Corsica, si faci a riintruta lli scoli in Bastia.
Com’è ad ugni volta, ci sò stati travadda da intratena i scoli. Ma hè un prughjettu à logu andà ch’idda voli fà valè a mirria di Bastia : a rialisazioni d’un risturanti scularu pà a scola Defendini, in Paese Novu.
U prughjettu sarà avviatu in li mesa à vena, da accodda i ziteddi d’issa scola chì par avali, devini manghjà à a scola Reynoard.
Privista par 180 ziteddi, s’arrimbarà issa struttura à un ortu di 400 m², cù una vulintà d’aprudà, à u minimu, 37 % di prudutti biò.
Issu risturanti scularu, chì duvaria custà 1,8 miliona d’auri, pudaria essa finitu toccu mezu 2022 : hè unu di i prughjetti sculari di primura lla mirria di Bastia, quidd’altru issendu a ristrutturazioni cumpletta di a scola Gaudin, dighjà cumencia d’altrondi, è chì si duvaria compia ancu idda toccu u 2022.
Steti à senta à Ivana Polisini, aghjunta à u merri di Bastia in carica di i scoli.
