Des dizaines d'hectares ravagés par les flammes en Haute-Corse
(A redazzioni d'Alta Frequenza) - Quattru fochi sò stati arrighjistrati ssu marti dopu meziornu in Corsica Suprana. In Albertacce prima, cù una ripresa di quillu di a notti scorsa versu 3 ori. Trà 40 è 50 ettari di machja sò stati distrutti. A securità civili di Corti, spignifochi eppo dui Canadair è dui Tracker sò stati mubilizati. In E Valli di Rustinu, versu dui ori è mezu, dui fochi ani toccu trè è dui ettari di vegetazioni; quattru Tracker frà i quali di novi ghjunti da cuntinenti sò intarvinuti. Infini in Santa Lucia di Mercuriu, appena dopu à 3 ori, trà 12 è 13 ettari sò stati brusgiati; quissu quì hè statu trattatu da quattru camiò di i spignifochi, dui Canadair è dui Tracker. S'è i nuttati sò appena più freschi dipoi ss'ultimi ghjorni, u timori hè prisenti quantunqua pà l'ori chì venini par via di u ventu forti.
Sur le même sujet
