Des centaines de personnes évacuées, inondations, circulation bloquée, éboulements, coupures d'électricité : le point sur la tempête en Corse
A prifittura lla Corsica hà fattu u bilanciu di a situazioni, dopu à issa notti di timpurali.
Passata a mezanotti, parichji uparazioni sò stati fatti da i succorsi (SIS2A è ciandarmaria naziunali). Sò stati evacuati è missi in sicurità :
- 240 parsoni – clienti quant’è impiicati – à u campeghju di Saone, in bedda parti adundatu.
- 10 parsoni in marina di Portu. Culandi i danni matiriali sò impurtanti, chì hè cuddata l’acqua.
- Trè parsoni anziani in Portu è in a Sarrera.
Dui parsoni sò stati ricussi da u SIS2A, cù l’aiutu di u PGHM
2300 famiddi sò privi sempri d’elettricità, chì ci hè u risicu à fà i intarvinzioni, parvia di u tempu.
I spicialisti di i intarvinzioni in acqua currenti di u SIS2A sò intarvinuti à liveddu di l’albergu di u Prunelli, da metta in sicurità una banda di pecuri inchjuvata da l’acqua.
U ponti di Zippituli hè subaccatu da l’acqua, è a strada dipartimintali 27 hè sarrata.
U ponti di Cutuli hè chjusu ancu iddu.
Parvia d’una sfraiata à nantu à u ponti di Punta Calonica, trà Piana è Portu, ùn ci poni circulà i vitturi di turismu.