Des bureaux détruits par un incendie dans un immeuble à Bastia
(A redazzioni d'Alta Frequenza) - Ssu luni à meziornu, un focu hà toccu scagni à l'ultimu pianu di u palazzu Le Cézanne in Bastia. In furia sopralocu, una scala maiò di Bastia, un furgonu, è un antru furgonu ghjuntu in appoghju da San Fiurenzu ani ammaistratu u sinistru, chì hà distruttu una pezza di ssi scagni. Sicondu u SDIS 2B, trè parsoni sò stati tocchi da u fumu, dui pulizzeri è una donna di 65 anni, mentri chì trè appartamenti ani cunnisciutu disguasti par via di l'acqua chì hè falata. I dui piani sottu sò stati sbiutati duranti u tempu di l'intarvinzioni.
