Des aides aux particuliers pour lutter contre le gaspillage énergétique
(A redazzioni d'Alta Frequenza) - U prifettu di Corsica ci dicia ind'i nostri nutiziali scorsi chì una risorza finanziaria assai impurtanti, 200 millioni d'auri à l'annu duranti parechji dicennii, hè dispunibuli pà u settori di u BTP. Si tratta ben intesu di rimetta à nivellu è in reguli tutti l'alloghji chì ùn sò micca in ssu casu quì oghji. Annant'à u listessu rigistru, ma à u nivellu solu di l'ecunumii d'energia, a federazioni di u BTP di Corsica Suttana è a Camara di i Mistieri ani scuntratu arimani (ghjovi) EDF pà pudè sfruttà pussibilità novi di cullaburazioni. In fatti, ci sò oghji aiuti propiu impurtanti pà luttà contr'à u fattu di vastà l'energia. L'intrapresi di custruzzioni si devini adattà dunqua pà pudè acquistà cumpetenzi novi in a materia. Un label hè datu d'altrondi à intrapresi chì ani acquistatu ssi cumpetenzi, ciò chì parmetti à i particulari d'uttena ss'aiuti quì.
Steti à senta à François Perrino, u presidenti di a federazioni di u BTP di Corsica Suttana.
