Dernière session de l’assemblée de Corse avant les vacances d'été
(A Ridazzioni d'Alta Frequenza) - Hè issu ghjovi ch'idda principia l'ultima sissioni publica di l'Assemblea di Corsica, innanzi à i curti vacanzi di a Stituzioni. Un prugrama carcu cù 10 quistioni à bucca, in più di i dui raporti lli prisidenti è di i 28 raporti scritti. Ci vurrà dinò à prununcià si supra à i setti muzioni chì sarani prisintati.Ci ni sarà par ugni cantina, chì i sughjetta sarani varii. Trà i quistioni à bucca, quiddi llu fronti Naziunali, supra à i rumenzuli è l'attintati islamichi. Si riparlarà dinò di i rumenzuli cù una quistioni llu gruppu "Le Rassemblement", è ancu di u novu parcheghju in centru cità d'Aiacciu. Si parlarà dinò di l'Assemblea di i ghjovani, un sughjettu chèi porta à cuntrastà. I raporti dinò sarani à trattà, è l'Assemblea devi dà un'uchjata à u trasportu marittimu, chì l'ufferta di a Corsica Ferries pari d'ùn pudè essa ricivuta. Stradi, aeruporti, imparera è furmazioni, aiuti varii : risica d'essa curtu u tempu à quali vurria stancià u prugrama.
Sur le même sujet
