Dernier conseil municipal après 25 ans de règne pour Emile Zuccarelli à Bastia
(A redazzioni d'Alta Frequenza) - Un quartu di seculu di storia pulitica bastiaccia s'hè chjosu arisera (marti), cù l'ultimu cunsighju municipali d'Emile Zuccarelli, merri dipoi u 1989, accoltu cù l'unori di l'eletti di a maghjurità municipali, ultima stonda ch'ellu hà spartutu cù u so primu aghjuntu di sempri Ange Rovere, chì parti "à a ritirata" dinò ellu. Un cunsighju municipali guasgi à u cumplettu fora di l'assenza, rimarcata, di François Tatti, è a partenza nanzi à u primu votu di a so cumpagna di lista Emmanuelle de Gentili è di u so cullaburatori Julien Morganti, postu chì s’hè ancu pussutu custatà u ritornu di Pierre Chiarelli, chì ùn era più ghjuntu in un cunsigliu municipali dipoi u primu di a mandatura attuali, in u 2008. U pizzonu di ssu cunsighju hè statu u bughjettu primitivu 2014 di a cità di Bastia, chì fora di un’intarvinzioni di Michel Castellani pà Inseme per Bastia, ùn avarà micca fattu nascia u dibattitu, ed chì hè statu vutatu à l’unanimità di i prisenti, menu i voti contru di u gruppu Inseme. È dopu ad altri cartulari trattati senza un intaressu tremendu, ssu cunsighju municipali s’hè compiu, è cun ellu un parti di a storia pulitica di a cità di Bastia.
Steti à senta à Emile Zuccarelli, u merri di Bastia fin’è a fin di marzu, chì volta nant’à i so vinticinqui anni di mandatura, nant’à a so carriera pulitica ma dinò nant’à a campagna attuali.
Sur le même sujet
