Derby GFCA-ACA : une rencontre sans pression pour Thierry Laurey
(A redazzioni d'Alta Frequenza) - 16 anni ch'ellu ùn era più accadutu in campiunatu ! U 10 di ghjinnaghju di u 1998, u GFCA è l'ACA ghjucavani l'unu contr'à l'altru in Timizzolu in Naziunali pà un derby aiaccinu propiu caldu. Ssu luni, i Rossi è Turchini scuntrarani i Bianchi è Rossi pà a 3a ghjurnata di Liga 2. Hè a prima volta ind'a storia di ssu campiunatu chì dui clubs prufiziunali di a listessa cità ani da ghjucà una partita insemi. Un derby assai aspittatu da i sustenidori, è chì si ghjucarà ind'un stadiu pienu. L'intrenori di u GFCA Thierry Laurey a dici è insisti annant'à què, hè una partita ch'ellu hà appruntatu com'è tutti l'altri. Dopu à un bellu principiu di campiunatu, cù una vittoria è un risultatu à paru, eppo una qualificazioni marti scorsu pà u sicondu ghjiru di a Cuppa di a Liga, i Diavuli Rossi volini cuntinuà cusì ma stendu u più cuncintrati pussibuli malgradu l'ambienti di stasera ind'u so stadiu.
Steti à senta l'intrenori di u GFCA, Thierry Laurey.
