Derby GFCA-ACA : la frustration de Thierry Laurey
(A redazzioni d'Alta Frequenza) - U primu attu di u derby aiaccinu 2014-2015 in Liga 2 vintu da l'ACA ! In fatti, i Bianchi è Rossi ani battutu ssu luni à sera u GFCA annant'à u so tarrenu, 2-0. Rialisazioni scritti da Nicolas Fauvergue à a 14ima minuta è da Dennis Oliech à a 34ima. U Gaz hè statu riduttu prestu à deci contr'à ondeci dopu à a sclusioni di Julien François à a 26ima minuta. U sicondu tempu hè statu gistitu di bunissima manera da l'ACA, mentri chì u GFCA ùn hà micca riisciutu à truvà a suluzioni malgradu sforzi numarosi. Cù ssa vittoria, i ghjucadori di Christian Bracconi si ritrovani à paru cù quilli di Thierry Laurey cù 4 punti in trè ghjurnati. À a fin di ssu scontru, c'era di più cà una simplici dillusioni in u GFCA, è pà Thierry Laurey, a sclusioni di u so ghjucadori trà i dui rialisazioni di l'ACA hè di sicuru l'evenimentu chì hà cambiatu a sorti di ssa partita.
Steti à senta l'intrenori di u GFCA.
