Derby ACA-GFCA : recommandations et conseils pratiques
(A redazzioni d'Alta Frequenza) - À a vigilia di u derby trà l'AC Aiacciu è u GFC Aiacciu in Liga 2 à u stadiu François Coty, u serviziu internu di securità di l'ACA cumunicheghja parechji racumandazioni è infurmazioni pratichi. "L'apartura di i tribuni principiarà à 5 ori. I 480 piazzi pà i sustenidori di u GFCA in tribuna visitori sò stati vinduti. Malgradu tuttu, poni cumprà dinò i biglietti pà a tribuna Sud (tubularia) è Honneur Sud (vicinu à i visitori). Pà pudè schis l'ingorghi cù i vitturi è ind'i bigliettarii, hè dumandatu di prisintassi prestu à u stadiu. Hè racumandatu cù forza di cansà a so vittura ind'u sensu di a partenza ver di a cità. L'usu di fumigeni è altri ughjetti simuli hè pruibitu parchì l'ACA risica un'amenda forti".
