Dépistage du cancer colorectal : un nouvel outil plus fiable désormais disponible
(A redazzioni d'Alta Frequenza) - Dopu à Prupià a simana passata, i raprisintanti di a Liga contr'à u Cancaru di Corsica Suttana ripighjarani torna a strada pà a so seria di riunioni d'infurmazioni in u rurali u 4 di maghju pà una tappa in Santa Maria è Sichè. Di pettu à i sciffri di a scuparta di u cancaru di u pettu è di u cancaru colorettali in Corsica assai di sottu di pettu à a media naziunali, soprattuttu in campagna, s'hè dicisu d'incalcà nant'à ciò chì raprisenta un veru inghjocu maiò di saluta publica. Si tratta dunqua di metta in risaltu l'intaressu di a scuparta in furia, pà un trattamentu più limitatu è viti salvi. Dopu avè dighjà amintatu a prublematica di u cancaru di u pettu nant'à i nostri ondi, u duttori Sauveur Merlenghi ci parla oghji di u cancaru colorettali, u sicondu più murtali in Francia, cù un attrazzu novu di scuparta propiu sicuru.
Eccu l'intervista di u presidenti di u Cumitatu di Corsica Suttana di a Liga contr'à u Cancaru.
Sur le même sujet
