Départementales : vers une annulation de l'élection dans le canton Bastia-III
(A redazzioni d'Alta Frequenza) - U cantonu di Bastia III, chì includi par asempiu u quartieru di Lupinu, duvarà vutà torna da quì à pocu ? A dumanda hè posta oramai dopu à l'asamini da u tribunali amministrativu di a dumanda in annulazioni di l'alizzioni da u duettu PRG Joseph Martelli - Anne Marie Piacentini, chì avia persu pà 137 voti contr'à u duettu cumpostu da José Gandolfi pà Inseme è Marie Claire Poggi pà u MCD duranti i dipartimintali di marzu scorsu. In fatti, Hugues Alladio, u rapurtadori publicu, hè andatu ind'u sensu di quilli chì si sò ghjirati ver di a ghjustizia, dumandendu l'annulazioni di l'alizzioni in u cantonu, postu ch'ellu hà custatatu "160 signaturi chì cambiani annant'à 6 scagni di votu sfarenti trà u prima è u sicondu ghjiru". A dicisioni di u tribunali amministrativu sarà cumunicata vennari chì veni, è s'ella duvia prununzià l'annulazioni, l'alizzioni dipartimintali chì duvaria suvità saria assai intarissanti, parchì si vedi mali u ticchettu Gandolfi-Poggi torna unitu dopu a rumpitura trà Gilles Simeoni è François Tatti.
Sur le même sujet
