Départementales : Nathalie Ruggeri et Charly Voglimacci en ballottage dans Ajaccio IV
(A redazzioni d'Alta Frequenza) - Unichi membri di a maghjurità municipali aiaccina à ùn essa micca stati eletti à u prima ghjiru, Nathalie Ruggeri è u so partinariu Charly Voglimacci ind'u quattriesimu cantonu d'Aiacciu. In fatti, ancu s'elli ani racoltu 57,48% di i voti, ss'ultimi ùn ci l'ani micca fatta à mubilizà inghjiru à a so candidatura i 25% di i scritti, nicissarii pà pudè essa eletti ssa dumenica à sera, par via forsa di una participazioni debbuli in ssu cantonu. Un duettu chì hè quantunqua in bunissima pusizioni contr'à i candidati di u Front National, Marie Xavière Filippi è Michel Leca, chì ani avutu 25,05%. Patricia Grimigni è Jacques Perona, pà u Front de Gauche cù 17,48%, sò eliminati.
