Départementales : François Orlandi, président du CG2B, fait le point
(A redazzioni d'Alta Frequenza) - Ssu vennari, u presidenti di u cunsighju generali di Corsica Suprana François Orlandi hà fattu u puntu annant'à a so mandatura, assai corta, è annant'à i dipartimintali. Quandu li si poni a dumanda di sapè ciò ch'ellu si pò fà in dui mesi di mandatura solu, quissu quì parla soprattuttu di muvimenti interni è di riformi di funziunamentu. Una mandatura ch'ellu duvarà purtà di fronti à partasi di i ghjorni chì venini à tempu à a campagna di l'alizzioni dipartimintali. È quissi quì, fora di u fattu di fà spuntà spiccanzi inde tutti i famighji pulitichi par via di l'inghjochi parsunali più cà pulitichi pà parechji cunsighjeri generali attuali cù duetti micca troppu naturali o ancu difficiuli à priveda, ani da essa u teatru di lotti senza pietà. Sarà soprattuttu u casu pà u cantonu di Capicorsu induva Franços Orlandi è Jacky Padovani sarani cuncurrenti, postu chì i so cantoni rispittivi sò stati aduniti.
Steti à senta à François Orlandi chì volta dinò annant'à a visita di Bernard Cazeneuve.
Sur le même sujet
