Départementales de Haute-Corse : 51 binômes sur la ligne de départ
(A redazzioni d'Alta Frequenza) - Ssu luni à 4 ori era a data limita pà pona i candidaturi pà i dipartimintali. In Corsica Suprana, fin'è l'ultimi minuti, i candidaturi sò stati numarosi pà ghjunghja fin'è 51 duetti omu è donna inde i quindeci cantoni di u dipartimentu. Hè u cantonu di Bastia IV chì t'avarà u più duetti, postu chì ci ni sarà sei in corsa, à u cuntrariu di u cantonu di Castagniccia induva l'unicu duettu scrittu hè di fattu sicuru di vincia. Ci sarani cinqui duetti ind'i cantoni di Bastia I è Bastia III, quattru inde quilli di Capicorsu è di Golu-Merusaglia, trè ind'i cantoni di Bastia II, Biguglia-Nebbiu, Borgu, Calvi, Corti, Fiumorbu-Castellu, Ghisunaccia è L'Isula, è dui duetti ind'u cantonu di Casinca-Fiumaltu.
Sur le même sujet
