Départementales à Bastia-III : José Gandolfi va faire appel de l'annulation
(A redazzioni d'Alta Frequenza) - Dopu à l’annulazioni da u tribunali amministrativu di Bastia di l’alizzioni dipartimintali in u cantonu di Bastia-III pà 160 signaturi divergenti trà u primu è u sicondu ghjiru, José Gandolfi, chì cumponi a parti Inseme di u duettu vincidori cù Marie Claire Poggi chì apparteni à u MCD, hà cumunicatu. Surpresu da a dicisioni di u tribunali amministrativu, hà da fà appellu di a dicisioni davanti à u Cunsighju di Statu. S’è a legi ùn duvia micca parmetta un appellu da solu, José Gandolfi hà uttenutu, d’appressu à ellu, l’accordu di Marie Claire Poggi pà fà un appellu cumunu ancu s’è in casu di fiascu, una candidatura cumuna rinnuvata pari guasgi impussibuli. Una dicisioni chì hè intarvinuta dopu à un ricorsu di u duettu PRG bastiacciu Joseph Martelli - Anne-Marie Piacentini, contr’à quali ùn si faci micca prigà pà falli una critica.
Steti à senta à José Gandolfi.
Sur le même sujet
