Départementale Bastia-III : la majorité municipale veut consolider sa présence
(A redazzioni d'Alta Frequenza) - Vennari scorsu, calchì ora nanzi à annunzi chì ani fattu nascia u rimusciu ind'a manca radicali, u duettu di a maghjurità municipali pà a dipartimintali parziali di Bastia-III, cumpostu da l'elettu attuali Joseph Gandolfi chì raprisenta u gruppu Inseme è da a prima aghjunta à u merri di Bastia, a sucialista Emmanuelle de Gentili, lanciava a so campagna. U scopu di ssu duettu sarà di tena u cantonu ind'a maghjurità municipali, cù pà ssu mandatu di sicuru assai cortu u scopu di difenda l'intaressi di a cità di Bastia in u cunsighju dipartimintali, par asempiu nant'à u cartulari di a trasparenza di l'attribuzioni di l'alloghji suciali. Ssu ticchettu, accumpagnatu duranti ssu lanciamentu frà altru da u merri di Bastia, Pierre Savelli, u sicondu aghjuntu di a cità di Bastia Jean Louis Milani raprisintendu u gruppu liberali di a maghjurità municipali, o da a cunsighjera esecutiva Fabienne Giovannini sà malgradu tuttu chì ss'alizzioni s'assumigliarà dinò una prova.
Steti à senta à Emmanuelle de Gentili.
Sur le même sujet
