Démographie : la population de la Corse augmente grâce au solde migratoire
(A redazzioni d'Alta Frequenza) - L'Insee hà publicatu ssu marcuri i sciffri nant'à a demugrafia inde i dipartimenti è regioni francesi trà u 2010 è u 2015. Senza surpresa, a parti di u supplementu migratoriu inde a crescita di a pupulazioni nant'à i dui dipartimenti di Corsica hè assai alta, cù più d'1% à l'annu, mentri chì i variazioni annualli inghjinnati da u saldu naturali sò firmati stabuli. A Corsica Suttana hè d'altrondi u prima dipartimentu di Francia pà ciò chì tocca u flussu migratoriu. A Corsica arrighjistreghja una crescita di pupulazioni più alta di pettu à a media naziunali. À u 1a di ghjinnaghju di u 2015, l'isula t'avia 326 950 abitanti, vali à dì 17 250 in più di pettu à cinqui anni nanzu. Raprisenta una crescita di 5,5% trà u 2010 è u 2015, contr'à 2,4% à u nivellu naziunali. Inveci, i trè quarti di i cumuni di Corsica vedini a so pupulazioni calà, cù un saldu naturali negativu guasgi generali. I cità d'Aiacciu è di Bastia vedini a so pupulazioni crescia, ma micca à u nivellu di i cumuni periferichi, com'è Biguglia è Furiani chì cunnoscini evuluzioni maiò.
Sur le même sujet
