Démission de la présidente de la CCI 2A, Nathalie Carlotti
(A redazzioni d'Alta Frequenza) - Nathalie Carlotti, a presidenti di a Camara di Cummerciu è d’Industria d’Aiacciu è di Corsica Suttana, hà prisintatu arimani (luni) a so demissioni à u prifettu di Corsica. Quilla chì sarà stata à ssu postu duranti dui anni avia presu a seguita di Jacques Nacer, tombu à u mesi di nuvembri di u 2012 in a cità imperiali. Annunziarà ssa dicisioni à i 23 eletti di a camara pumuntinca da quì à calchì ora.
