Déménagement de l’hôpital d'Ajaccio : besoin urgent de renfort en infirmiers et aides-soignants
In Aiacciu, u trasfirimentu di i sirvizia di midicatura llu spidali di a Misericordia in u stabilimentu novu di u Stilettu hè privistu pà fà si trà u 23 di ghjinnaghju è u 19 di frivaghu.
L’agenza righjunali lla saluta hà lampatu una chjama, da rinfurzà u spidali in infirmieri libarali è aiuti midicanti.
A cuntinuvità di i midicaturi imponi di mantena un tempu certi attività à nantu à i dui siti, è tandu hè nicissaria di rinfurzà i squadri, masimu in midicina è chirurgia.
Hè dunqua lampata una chjama à i prufiziunali di saluta vulintarii, ch’iddi venghini à porghja aiutu à u spidali.
Chì vo’ sichiti libarali titulariu o rimpiazzanti, o ancu ritiratu, u spidali d’Aiacciu vi pò prupona cuntratti ditti « flash ».
Da rinsignà vi, piddeti cuntattu cù a dirizzioni di i midicaturi di u spidali, tilifunendu à u 04 95 29 91 10, mandendu un mail à sec.dssi@ch-ajaccio, o ancu via a piattaforma https://renfortrh.solidarites-sante.gouv.fr/
Sur le même sujet
