Délit de favoritisme : le député européen François Alfonsi relaxé
François Alfonsi, chì passaia in ghjustizia à mutivu di favuritismu, hè statu assoltu marcuri da u tribunali di Bastia.
Li si rimpruvaraia un affari di u 2017, quand’iddu era merri d’Osani, pà una navi chì duvia fà u sirviziu marittimu trà a so cumuna è Ghjirulatu.
Un associu avia missu in causa certi irrigularità in l’attribuzioni di issu marcatu.
D’uttrovi, a pracura avia dumandatu sei mesa di prighjunia attimpati, 10 000 € d’amenda è un annu d’ineligibilità.
Ma u tribunali ùn hà suvitatu issi ricumandazioni.
