Déjà 300 hectares de consumés à Ogliastro
(A redazzioni d'Alta Frequenza) - U focu d'Ugliastru cuntinueghja à sparghjasi cù forza par via di un ventu assai viulenti pà ssi lochi. In fatti, malgradu a prisenza di più di 180 omi nant'à u tarrenu, cù a ghjunta di rinforzi di a Drôme è di u Gard, u ventu rendi u focu difficiuli ad ammaistrà. U scopu maiò hè di cuntinuà à impidiscia u focu di francà a cresta è di passà in Siscu, Petracurbara è Brandu. Dopu un mumentu longu d'incapacità d'intarvinzioni di i mezi aerei par via di venti troppu viulenti, u Dash 8 hà da riparta da quì à pocu pà sparghja un pruduttu pà ritardà u focu nant'à a cresta di manera priventiva. À u nivellu di a circulazioni, a strada dipartimintali 233 hè tagliata pà pudè parmetta un'intarvinzioni più bona di i succorsi.
Sur le même sujet
