Dégradations des conditions météo : neige attendue
(A redazzioni d'Alta Frequenza) - Météo France annunzia a nevi nant'à u latu uccidintali di a Corsica Suttana à partasi da ssu ghjovi. L'altezzi aspittati sò quissi quì : 10 à 15 cm sopra à 800 metri d'altitudina; 15 à 25 cm sopra à 1300 metri d'altitudina. U latu uccidintali di u dipartimentu hè toccu soprattuttu è à partasi da stanotti (marcuri à ghjovi). I primi nivati intarvenini à a fin di a nuttata è u principiu di a matinata. Nivati più impurtanti si pudariani pruducia duranti u dopu meziornu. À a fin di u dopu meziornu è u principiu di a sirata, a limita acqua/nevi pò calà di manera pruvisoria à 700 metri. Hè una neva chì incolla è chì, cù un ventu forti à punenti è nordu punenti cù buffulati trà 60 è 80 chilometri par ora, o ancu 100 chilometri par ora nant'à i cimi è i capi, pò fà falà branchi d'arburi. I cundizioni nant'à a strada poni divintà difficiuli à lestra nant'à tutta a reta. I risichi d'accidenti sò impurtanti. L'automobilisti chì duvariani francà i foci devini cunsultà, prima d'essa nant'à a strada, u PC "NEVI" à u 04 95 46 17 12 è avè l'arnesi spiciali.
Sur le même sujet
