Dégradations contre deux résidences secondaires dans l'Extrême-Sud
(A redazzioni d'Alta Frequenza) - Dui residenzi sicundarii ani cunnisciutu disguasti duranti a dumenicata annant'à a cumuna di Zonza, in Corsica Suttana. L'alerta hè stata data ssa dumenica dopu meziornu da abitanti di i lochi à a gendarmeria. S'è certi fonti amentani un pussibuli attentatu contr'à ssi dui casi, altri sò piuttostu assai riservati cuncirnendu a natura di ssi fatti. Hè dunqua impussibuli di colpu di dì di manera sicura s'ellu si tratta o micca di un attentatu, postu ch'elli parini sfarenti i virsioni ind'è i servizii cumpetenti. A sizzioni di ricerchi di a gendarmeria hè incaricata di l'inchiesta.
