Dégradation des conditions météorologiques en Corse-du-Sud
(A redazzioni d'Alta Frequenza) - Chjama à a prudenza pà fenomeni di marosuli è summesioni, ventu, acqua è nevi in Corsica Suttana. U dipartimentu hè toccu da buffulati forti di ventu da punenti à meziornu punenti di 100/110 chilometri par ora. Ssi buffulati s'ani da rinfurzà dopu meziornu (ghjovi) è a notti chì veni pà cullà trà 120 è 140 chilometri par ora annant'à i settori i più sposti : Purtivechju, Sulinzara, i lochi d'Aiacciu, Corsica Suttana strema. Ss'episodiu di ventu pudarà tuccà dinò a costa urientali duranti a notti. U ventu di settori Punenti inghjenna marosuli forti annant'à u latu uccidintali di a Corsica Suttana. Duranti a notti, i marosuli, chì pudarani trapassà dui metri è mezu, andarani versu u meziornu punenti. Poni inghjinnà summersioni marini lucalizati annant'à i parti bassi o debbuli di u liturali, par asempiu inde i golfi. L'acquati sarani più forti à punenti di l'isula da stasera fin'è dumani matina. I quantità aspittati in 24 ori annant'à i parti à punenti sarani trà 60 è 90 mm. A limita acqua è nevi hè versu 1000-1200 metri (Vizzavona), i quantità di nevi poni cullà trà 20 è 30 cm trà 1000 è 1300 metri è 50 cm sopr'à 1300 metri. I buffulati di ventu forti inghjinnarani forsa a furmazioni di rozza. A prudenza a più maiò hè racumandata.
Sur le même sujet
