Défaite du GFCA Hand face au PSG (17 - 42)
(A redazzioni d'Alta Frequenza) - Pà l'ottesimi di finali di a cuppa di Francia di handball, u GFC Aiacciu hè statu battutu da u Parighji Saint Germain, 17 à 42, in u Palatinu. Una sfida troppu difficiuli pà i ghjucadori di Gilles Franceschini chì ani luttatu contr'à a squadra a più bona di u mondu. Serii, bè urganizati è soprattuttu assai prisenti à u nivellu fisicu, l'Aiaccini ci l'ani fatta à fà dubbità ssa squadra di Parighji cumposta frà altru di i fratelli Karabatic, di Luc Aballo o ancu di Thierry Omeyer duranti u prima tempu. Dopu a pausa, i Parighjini ani fattu crescia u ritimu è scrittu parechji rialisazioni di fila in un Palatinu pienu à tappu. L'Aiaccini ùn ani micca à vargugnassi di pettu à un avversariu tremendu. U parcorsu si compii quì pà i ghjucadori di u presidenti Ripoll.
Steti à senta à Marc Antoine Coggia, u capitanu di u GFCA handball.
