Découverte d'un corps sans vie à Porto-Vecchio
(A redazzioni d'Alta Frequenza) - Un cadavaru di un omu hè statu scupartu oghji (dumenica) ind'un strettina di Purtivechju. Sicondu i primi elementi, racolti ind'a prifettura di Corsica Suttana, pari chì a vittima avissi ricivutu parechji colpi, chì avariani inghjinnatu a morti. Nisuna via hè schisata pà ciò chì tocca à i circustanzi di i fatti, ma l'inchiestadori pinsani ch'ella si pudaria trattà di una baruffa à l'isciuta di una discuteca. A vittima hè un omu di una trintina d'anni, d'urighjini nordu africana. L'inchiesta hè stata cunfidata à a gendarmeria.
Sur le même sujet
