Déchets : le SYVADEC décide de mettre en œuvre des solutions transitoires
(A redazzioni d'Alta Frequenza) - In un cumunicatu, u Sindicatu di valurisazioni di i rumenzuli in Corsica faci sapè chì dopu avè cunsultatu l'autorità è i sfarenti partinarii, ss'ultimu s'hè resu contu di l'impussibilità di mubilizà a forza publica pà libarà u ruminzulaghju di Vicu, autorizata eppuru da l'urdinanza di u 26 di dicembri di u 2015 di un ghjudici spicializatu di u tribunali amministrativu di Bastia. In cunsiquenza, pà privena i risichi annant'à a saluta liati à una rumpitura pussibuli di u serviziu publicu di racolta di i rumenzuli, u SYVADEC hà dicisu di metta in ballu suluzioni transitorii pà tena i rumenzuli in parechji siti di l'isula chì appartenini à partinarii publichi o privati di u SYVADEC. Ssa riurganisazioni, cuncipita cù i cullittività aderenti è i prestatarii di u SYVADEC cù l'accunsentu di l'autorità prifitturali, intarvinarà à partasi di u luni u 28 di dicembri è sarà missa in opara fin ch'ellu sighi pussibuli di caccià i rumenzuli à u principiu di u mesi di ghjinnaghju di u 2016. Parmittarà di francassi di qualsiasi intarruzzioni nova di u serviziu publicu di racolta di i rumenzuli.
Sur le même sujet
