Déchets : le sentiment de Femu a Corsica
(A redazzioni d'Alta Frequenza) - A riunioni chì hè stata urganizata arisera (ghjovi) in prifittura di Corsica trà attori numarosi impignati inde u cartulari di a gistioni di i rumenzuli dopu a sarratura di u ruminzulaghju di Tallone hè sbuccata annant'à un accordu assai impurtanti postu ch'ellu parmetti pà un mesi di ripighjà una racolta nurmali di i rumenzuli. In fatti, a cumuna di i Prunelli di Fium'Orbu hà accittatu d'apra torna u so centru pà accoglia i rumenzuli di cumuni assai numarosi duranti un mesi, un tempu chì hà da parmetta à u centru di Prunelli di firmà ind'i capacità dighjà difiniti pà intarrà i rumenzuli. Femu a Corsica, assai impignatu annant'à ssu cartulari, hà vulsutu riagiscia dopu à ss'accordu. Cuntentu di ssu risultatu pusitivu, u gruppu rigretta quantunqua ch'ellu si firmessi torna è sempri annant'à una suluzioni pruvisoria.
Steti à senta à Agnès Simonpietri, chì cunnosci ssu cartulari di manera prufonda.
Sur le même sujet
