Déchets : le débat sur l'incinération relancé
(A redazzioni d'Alta Frequenza) - Sissioni nova di l'Assemblea di Corsica ssu ghjovi cù com'è "pizzonu" s'è no a ci pudimi parmetta, u cartulari di i rumenzuli, cù daretu à què a crisa putenti ch'ella hà cunnisciutu pocu fà a Corsica. L'Esecutivu, cù a voci di a presidenti di l'Uffiziu di l'Ambienti, Agnès Simonpietri, hà vulsutu prisintà i so pruposti pà cacciassi da un sistema attuali di trattamentu di i rumenzuli qualificatu com'è essendu "murtiferu". Ricusendu l'incinerazioni è l'intarru di i rumenzuli, hà dunqua fattu un spostu cù parechji punti pà ghjunghja in furia fin'è un cambiamentu radicali è difinitivu di mudelu. L'incinerazioni, u dibattitu hè vultatu dunqua nant'à a scena. Spunta torna sottu a prissioni di l'evenimenti, mentri chì omu cridia ch'ellu era chjosu.
Steti à senta à Agnès Simonpietri chì, prima d'essa cunsighjera esecutiva di Corsica, hè statu duranti un tempu longu militanti nentru à u cullittivu contr'à l'incinerazioni.
Sur le même sujet
