Déchets : la section Corsica Libera du Fium'Orbu dit avà basta !
(A redazzioni d'Alta Frequenza) - U troppu stroppia ! Eccu u mughju lampatu da a sizzioni Corsica Libera di Fium'Orbu chì occupava ssu marti dopu meziornu u scagnu di u SYVADEC in Corti. Dinunzia u fattu chì u SYVADEC è i cullittività lucali ùn pighjessini micca i so rispunsabilità in u cartulari di i rumenzuli ; un cartulari induva sicondu a sizzioni Corsica Libera di ssi lochi, u situ di Prunelli di Fium'Orbu si faci avè. In fatti, s'è un accordu cù u prifettu frà altru prividia cuncirnendu l'intarru ogni ghjornu annant'à ssu situ un ritornu à a nurmali cù 43 000 tonni intarrati in un annu, a crisa di i rumenzuli di ss'ultimi ghjorni faci chì, in u quadru di un sforzu dittu sulidariu, si devi passà à 36 000 tonni in sei mesi solu. Corsica Libera sizzioni Fium'Orbu, pà quali u trattamentu di i fermentevuli hè u centru di u prublema, dumanda à tutti l'attori cuncirnati di truvà una suluzioni à longu andà pà salvà u so rughjonu.
Steti à senta à Esteban Saldana, u so portavoci.
