Le Direct

Déchets : l'exaspération des riverains de Saint Antoine à Aiacciu

L’affari ùn poni cuntinuvà cussì ! Cù issu custatu, si hè urganizatu un cullittivu di l’abitanti di Sant’Antonu, in Aiacciu, chì si voli fà senta bè à u sughjettu lli danni ch’iddi facini i balli di rumenzuli accuzzati culandi.

Issu cullittivu hà chjamatu l’eletti d’ugni partitu, ma ancu i rispunsevuli di u SYVADEC è di u statu, da ch’iddi capischini ch’iddu ci n’hè una tichja d’issi danni chivi : puzza, muschi, risichi pà a saluta di i ziteddi…

Ùn ni poni più, l’abitanti, d’aspittà suluzioni ch’ùn affaccani.

À Xavier Lacombe, Jean-François Casalta, Jean-André Miniconi, Philippe de la Foata, François Filoni è Jean-Marc Lanfranchi, prisenti supr’à locu, l’hè tuccata à senta a voci d’abitanti chì ùn ni poni più, com’iddu a ci spieca Alain Novello à nomu di u cullittivu.